భారతదేశం బాగుపడుతుందా?

నాయకులలో ఎంత స్వార్ధము,అవినీతి ఉందో అంతకు రెట్టింపు సామాన్యప్రజలలో కూడా ఉండటం గమనిస్తే భారత దేశ సంస్కృతి ఎంతగా దిగజారిపోయిందో అర్ధం అవుతుంది. ఒకర్నొకరు  పోల్చి చూసుకొంటూ,అసూయతో అట్టుడికిపోతూ ,తానేమైపోయినా ఫర్వాలేదు,పొరుగువారు పచ్చగా ఉండకూడదనే తామస ప్రవ్రుత్తి భారతీయ సమాజంలో రోజు రోజుకూ మహమ్మారిలా పెరిగిపోతుంది.

మొక్కులు, ముడుపులు,బలులు, జపతపాలు ,యజ్ఞయాగాలు సమస్తం తీవ్రమైన కాంక్షలతో,స్వార్ధభూయిష్టమైన మనస్సుతో  చేస్తున్నారు. అక్రమ సంపాదనలో  కొద్ది వాటాను టన్నులకొద్దీ బంగారం రూపంలో గుళ్ల కు  సమర్పించుకొంటున్నారు. ఇలా  సాక్షాత్ దేవుడితోనే వ్యాపారం చేస్తూ పైపెచ్చు అది భక్తి అని నిస్సిగ్గుగా చాటుకొంటున్నారు . గుళ్లకు ఇచ్చే దాంట్లొకనీసం పాతికో వంతైనా సమాజసేవకు వినియోగిస్తే సంఘం ఎంత ప్రశాంతంగా ఉంటుంది?

గత 1500 ఏళ్ళనుండి భారతీయ చరిత్రను,సమాజ పోకడలను పరిశీలిస్తే, భారతీయులలో పెరిగిపోయిన స్వార్ధం,అవినీతి,అధర్మం, దేశద్రోహపు బుద్ధులు ఎంతగా పేట్రేగి పోయాయో,తద్వారా దేశం పరాయిమూకలచేతిలో ఎలా ముక్కచెక్కలయిందో తెలుస్తుంది .

నాలుగు రూకలిస్తే చాలు మన దేశపు ఆనుపానులు చేరవేసే దేశద్రోహులు ఎంతమందో?

నాలుగు దెబ్బలువేస్తే చాలు రాజ్యపు రహస్యాలు వెళ్లగ్రక్కిన వారెందరో?

నాలుగురకాల ఆకర్షణలు ఎరవేస్తే చాలు,సొంతింటి కే కన్నమువేసిన వారెందరో?

తనకు లేనిది,తనకు దక్కనిది పక్కవాడికి ఎందుకుండాలనే రక్కసులు ఎందరో?

తమ  బలహీనతలకు దేశభవిష్యత్ ను తాకట్టు పెట్టిన వారెందరో?

కర్మ సిద్ధాంతాన్ని అపార్ధం చేసుకొని  పలాయన వాదాన్ని నెత్తినపెట్టుకొని సోమరిపోతులుగా మారి శుంఠ ల్లా దిగజారినవారెందరో?

పచ్చి స్వార్ధం తో మూఢనమ్మకాలతో బలులు ఇస్తూ బతుకులు బండపాలు చేసిన వారెందరో ?

తేరగా సంపదరావాలి , అప్పనంగా సుఖాలు పొందాలనుకునే పరాన్న జీవులెందరో?

కంచాలు కంచాలుగా లంచాలను మెక్కుతూ బితుకు బితుకుమంటూ  అవినీతి సామ్రాజ్యాన్ని ఏలే వారెందరో?

కన్నవారిపై ప్రేమలేదు, దేశమంటే భక్తిలేదు ,సంస్కృతి పై పూజ్యతలేదు, సంప్రదాయాలపై గౌరవం లేదు , సాటిమనిషిపై అభిమానం లేదు, ఉన్నదల్లా కేవలం కరడుగట్టిన స్వార్ధం,ధన పిపాస, కీర్తి కండూతి,భోగలాలస ! భారతీయులు భారతీయులేనా? లేక వీరికి పరాయి పిశాచ మూకల క్రౌర్యం అంటువ్యాధిలా అంటుకొందా ?

భారతీయులు ముఖ్యం గా ఆంధ్రులు ఇలా ఎందుకు దిగజారిపోయారు? భారతీయులు ఎందుకు ఇంత  దారుణంగా అవినీతిలోమునిగిపోయారు ? వారి ప్రవర్తనలో ఇంత ఘోరమైన  లోపం ఎలా వచ్చింది ? భారతీయులు  ఇంత క్రూరమైన స్వార్థపరులుగా ఎలా మారిపోయారు?.  భారత దేశ సంస్కృతిలో అవినీతి ఎందుకు ఇంతలా పెరిగిపోయింది. పైపెచ్చు,  భారతీయులు అవినీతినిఎందుకని  నీతి బాహ్యంగా చూడటం లేదు? 

ఏ మనిషీ పుట్టుకతో అవినీతితో పుట్టడు . ఏ జాతి కూడా  పుట్టుకతో అవినీతిమయంగా ఉండదు.కానీ పుట్టుకతోనే  గుణ వాసనల తో పుడతాడు మనిషి. పరిస్థితులప్రభావంతో ఆయా గుణాలు వృద్ధిచెందడమో,మరుగునపడిపోవడమో జరుగుతుంది.  

 ఈ అవినీతి జాడ్యం,స్వార్థపరత్వం  ఆంధ్రాకో, కేరళకో మాత్రమే కాదు,దేశం అంతటా వ్యాపించి ఉంది.

భారతీయులు అవినీతి పరులను భరించడమే కాదు,వారిని హీరోలుగా ఆరాధిస్తూ అందలం ఎక్కిస్తున్నారు. 

భారతీయులు చివరికి ఎంతగా దిగజారిపోయారంటే, దేవునితోనే లాలూచీ బేరాలాడటం చేస్తూ సనాతన  ఆచార వ్యవహారాలను  భ్రష్ట్టు పట్టించేస్తున్నారు. 

 నేడు, మన భారతదేశంలో  భక్తికూడా  ఒక వ్యాపార ప్రక్రియగా దిగజార్చేశారు. కనీస అవసరాలేకాదు,విలాసాలు,అంతేకాదు పక్కవాడికేమి సుఖాలున్నాయో అవన్నీ కావాలనుకొంటు కోర్కెలు క్షణ క్షణానికి పెంచేసుకొంటూ దైవారాధనను కూడా వ్యాపార విలాస క్రీడగా మార్చేశారు. 

మన  భారతీయులు దేవుడికి డబ్బులు అర్పిస్తారు. దానికంటే ఎక్కువ ప్రతిఫలాన్ని ఆశిస్తారు దీని అర్థం ఏమిటంటే అర్హత, అవసరం లేకున్నా లబ్ది పొందాలనుకోవడమే.

గుడి వెలుపల ఇటువంటి వ్యాపార ప్రక్రియను *లంచం* అంటాము.

బాగా ధనవంతుడైన భారతీయుడు గుళ్లకు డబ్బు ఇవ్వడు. బంగారు కిరీటాలు ఇతర ఆభరణాలు కానుకగా ఇస్తాడు.

అతని కానుకలు పేదవాడి ఆకలి తీర్చవు. అతడు ఇచ్చేది దేవుడికి.

 ఆకలిగొన్న వాడికి సహాయం చేయడం వృధా అనుకుంటాడు. అందుకే దేవునికి కానుకలు ఇస్తాడు.  ఈ విధంగా విపరీతమైన సంపద  భారతదేశంలోని గుళ్ళల్లో  పోగుపడుతుంది . ఈ సంపద ఏం చేయాలో వారికి అర్థం కాదు. కోశాగారాలలో బిలియన్ల కొద్దీ ఆస్తులు, డబ్బు దుమ్ము కొట్టుకుపోతున్నాయి.

యూరోపియన్స్ భారతదేశానికి వచ్చి పాఠశాలలు నెలకొల్పారు. భారతీయులు మాత్రం యూరప్, అమెరికా వెళ్లి అక్కడ గుళ్ళు నిర్మిస్తున్నారు.

తన కోర్కెలను తీర్చడానికి దేవుడు కానుకలు తీసుకోవడం ఎట్లా తప్పుకాదో, బయట లంచం తీసుకోవడం, ఇవ్వడం కూడా తప్పు కాదు అనే భావన నెలకొంది. అందుకే భారతీయులు తేలికగా అవినీతికి లొంగిపోతారు.

ఈ దేశ సంస్కృతి, అవినీతిని తనలో ఇముడ్చుకుంటుంది.

1.అవినీతిని భారతీయులు ఒక మచ్చగా భావించరు. ఎందుకంటే బాగా అవినీతిపరులైన  రాజకీయ నాయకులను అధికారంలోకి తెస్తారు. ఇది పశ్చిమ దేశాలలో మనం ఊహించలేము.

2.చరిత్ర చూసినా కూడా అవినీతికి ఊతమిచ్చే  నైతిక దిగజారుడుతనమే కనిపిస్తుంది. భారతదేశ చరిత్రలో లంచాలుకు లొంగి ద్వారాలు తెరవడం ద్వారా అనేక పట్టణాలు, రాజ్యాలను  వశపరచుకున్న సంఘటనలు అనేకం. డబ్బు తీసుకొని లొంగి పోయిన సైన్యాధిపతులు అనేకం.

ఇది భారతదేశం అంతటా ఉన్న సారూప్యత.

పూర్వపు గ్రీకు, మోడ్రన్ యూరప్ తో పోలిస్తే, భారతీయుల పోరాట పటిమ ఎంతటిదో ఇట్టే అర్థమవుతుంది.

నాదేర్షాను అంతమొందించేందుకు టర్క్ లు పోరాడారు.

కానీ భారత దేశంలో పోరాటం అవసరం లేదు లంచాలు ఇవ్వడం ద్వారా సైన్యం లేకుండా చేయవచ్చు.

దండెత్తే వాడు డబ్బులు ఖర్చు పెట్టగలిగే వాడైతే భారతీయ రాజులను తేలికగా లొంగ తీసుకోవచ్చు.

ఆ రాజుల దగ్గర పదుల వేల సంఖ్యలో సైన్యం ఉన్నప్పటికీ ఇది సాధ్యం. ప్లాసి యుద్ధం లో భారతీయులు గట్టిగ యుద్ధం చేశారు. తర్వాత ఏమైంది మీర్ జాఫర్ కు  Clive లంచం ఇచ్చాడు. అంతే, బెంగాల్ లొంగి పోయింది.

భారతీయ కోటలను వశపరచుకున్న చాలా సంఘటనలలో డబ్బు మారక పాత్ర ఉంది. డబ్బు ముట్టి నందున గోల్కొండ  వెనుక దర్వాజ తెరచి ఉంచడం వలన 1867లో ఈ కోటను ఆక్రమించు కోగలిగారు.

మరాఠాలను, రాజపుత్రుల ను లంచాల ద్వారానే మొగలులు గెలుచుకోగలిగారు.శ్రీనగర్ రాజు ఔరంగజేబు దగ్గర  డబ్బులు తీసుకుని సులేమాన్ ను అప్పగించాడు. భారతీయులు అవినీతికి తలొగ్గి చేసిన దేశద్రోహ కార్యక్రమాలు అనేకం ఉన్నాయి.నేడు డబ్బుతీసుకొని తమతలరాతలను మార్చే నాయకులను ఎన్నుకొంటున్నారు. తన చేతిలో పైసా పడితే చాలు,ఎక్కడ నొక్కమంటే అక్కడ నొక్కేయడానికి జనాలు సిద్ధం.  

నేడు మన తెలుగురాష్ట్రాలలో కూడా అవినీతి మచ్చలున్న నాయకులనే అధికారం లో  కూర్చో పెట్టారంటే ఆంధ్రులు ఎంత అవినీతి ప్రియులో అర్ధం అవుతుంది.అవినీతికి భాషాబేధమేమీలేదు. ద్రావిడులు మొదలుకొని ఆర్యపుత్ర సంతానం సమస్తం అవినీతితో పుచ్చిపోయింది.

అర్థం కాని విషయమేమిటంటే, భారతీయులకు ఇచ్చిపుచ్చుకునే ( క్విడ్ -ప్రో కో / లంచాలు)సంస్కృతి ఎందుకు వచ్చింది ఇతర నాగరిక దేశాలలో ఇది ఎందుకు లేదు?

నైతికంగా అవినీతి రహితంగా మసలుకుంటే 'అందరము బాగుపడతాము' అనే స్వభావం భారతీయులలో కొరవడడానికి మూల కారణం, వారు గత 1500 ఏళ్లలో ఎదుర్కొన్న విదేశీ దాడులే నని అర్ధం అవుతుంది. 

కనీస అవసరాలేకాదు,తమ మానప్రాణాలకు ముప్పు ఉప్పెనలా విరుచుకు పడుతుంటే ఏది నీతి ? ఏది అవినీతి? అనే విచక్షణ ప్రాణికి ఎక్కడ ఉంటుంది ? భారతీయులు కేవలం ప్రాణులుగానే బతుకుతున్నారుతప్ప మనుషుల్లా బతకడం మర్చిపోయారు. భద్రతలేమి కి తోడు జ్ఞానసంపద  లుప్తమై అజ్ఞానాంధ కారం లో చిక్కి సదాచారాలను మూడాచారాలుగా, సక్రమమైన వర్ణవ్యవస్థను అక్రమమైన కులవ్యవస్థగా దిగజార్చేసుకొన్నారు. 

సమాజముపైన, తోటిమనిషిపైన అనుమానం,అసూయలేతప్ప అభిమానానికి చోటులేని పరిస్థితులలో దేశభక్తి,సమాజసేవ లాంటి వాటికి చోటెక్కడ ఉంటుంది? తమ వాకిట్లో వ్యర్ధాలను రోడ్ పై పడవేసే మనస్తత్వాన్ని చూస్తేనే అర్ధం చేసుకోవచ్చు,మిగతావాళ్ళు ఏమైపోతే నాకేమిటి,నేను బాగుంటే చాలు"అనే దుష్ట  దృక్పధం ఎంతగా వేళ్ళూనుకొందో అర్ధం అవుతుంది. శుచీ శుభ్రత మరచిపోయారు. కనీసం గుళ్లను కూడా శుభ్రంగా ఉంచుకోలేని స్థితిలో మిగిలిపోయారు.   

చాలామంది హిందువులు తమ భద్రతకోసం  సిక్కులు, జైనులు, బౌద్ధులు అయ్యారు.

మరికొంతమంది  క్రిస్టియన్లు, ముస్లింలు గా మారారు. తద్వారా భారతీయ సమాజం మతాల పేరిట, కులాల పేరిట చీలికలైపోయింది. దానివలన  భారతీయులు ఒకరిపై, మరొకరికి విశ్వాసం లేకుండాపోయింది. 

నేటి భారతదేశం లో భారతీయులు లేరు.  భిన్న విశ్వాసాలతో, కరడుగట్టిన స్వార్ధం,అపనమ్మకం,అవినీతి,అధర్మం తోకుళ్లిపోయిన  హిందువులు, క్రిస్టియన్లు ముస్లింలు మొదలగువారు బతుకులీడుస్తున్నారు. 

1400 సంవత్సరాల క్రితం భారతీయులంతా ఒకే విశ్వాసం కలిగి ఉండేవారు.

కులాలుగా మతాలుగా విడిపోవడం తో అనారోగ్య సంస్కృతి దాపురించింది. అసమానతలు అనేవి అవినీతి సమాజానికి దారితీస్తాయి. భారతీయులు ఒకరినొకరు ఈసడించుకుంటారు,ఒక్క దేవుడిని తప్ప. దేవునికే  లంచం ఇచ్ఛే వాళ్ళు తమకు కాస్తలాభం కలుగచేసే మనుషులకు ఎందుకివ్వరు? 

భారతీయులు మారాలి. నిజమైన భారతీయులై ప్రపంచానికి ఆదర్శంగా నిలవాలి. ఇది సాధ్యమేనా?

LSTV LIVE | Lok Sabha LIVE | Parliament LIVE | RSTV | PM Narendra Modi |...

Vedic Chanting | Rudri Path by 21 Brahmins

మోడీ హయాం లో మోసాలు,కుంభకోణాలు జరిగాయా?

మోడీ హయాం లో , బ్యాంకులను కార్పొరేట్లు చేసిన మోసం విలువ అక్షరాలా రూ.1.55 లక్షల కోట్లు అని తేలింది.. సమాచార హక్కు చట్టం కింద పీటీఐ జర్నలిస్టు అడిగిన ప్రశ్నకు భారతీయ రిజర్వుబ్యాంకు (ఆర్‌బీఐ) ఇచ్చిన సమాచారమిది. 

మరి కాంగ్రెస్ హయాంలో ఇలాంటి మోసాలు జరగలేదా?

కాంగ్రెస్‌-2 హయాంలో 29,078 కోట్ల విలువ చేసే మోసాలు జరిగితే, అంతకుమించి మోడీ-1 హయాంలోనూ మోసాలు చోటు చేసుకోవడం గమనార్హం. ఎవరు ఏ సంస్థ ఏమైపోతే నాకేంటీ… నేను బాగుంటే చాలు అన్న పద్ధతిలో ఐదేండ్ల మోడీ పాలన సాగింది తప్ప సామాన్యులకు ఒరిగింది శూన్యం. 

ఎందుకు మోడీ ఇలా చేశాడు?

రైతులు, చిరు వ్యాపారులు వెళ్లి బ్యాంకుల్లో అప్పు అడిగితే సవాలక్ష ప్రశ్నలు.. కొర్రీలెన్నో! ఇంత జాగ్రత్తగా బ్యాంకులు నియమ నిబంధనలు పాటిస్తుంటే.. బడా బాబులు మాత్రం వేలాది కోట్ల మేర బ్యాంక్‌ మోసాలకు పాల్పడడంలో ఆరితేరారంటే ఎక్కడున్నది లోపం. డబ్బున్నచోట మోసమూ ఉంటుంది. బ్యాంకులను బురిడీ కొట్టించే వాళ్లూ ఎప్పుడూ ఉంటూనే ఉంటారు. కానీ, రుణాల జారీ విషయంలో బ్యాంకులు ఎంతో నిక్కచ్చిగా వ్యవహరిస్తున్నా ఈ మోసాలు ఎలా జరిగాయి? మోడీ సర్కార్‌ అధికారంలోకి వచ్చాక.. ఈ మోసాలు బయటపడ్డాయా..? లేక అంతకుముందు కూడా జరుగుతూ వస్తున్నాయా? అంటే గతంలోనూ ఈ మోసాలు జరిగాయన్నది వాస్తవం. కానీ, మోడీ పాలనలో పెద్ద ఎత్తున పెరిగాయి. కాపలాదారుడిగా ఉంటానన్న మోడీ తన పాలనలో ఎవరికి రక్షణగా ఉన్నారన్నది ఆర్‌బీఐ నివేదికతో తేటతెల్లమైంది. ఆశ్రితపక్షపాతానికి అంతులేదు. నీరవ్‌మోడీ, విజరుమాల్యా వంటి వారు బ్యాంకులను కొల్లగొట్టినా చర్యల్లేకుండా విదేశాలకు పారిపోయేలా సహకరించారంటే ఇంతకంటే ఘోరం ఏముంటుంది?

లెక్కలు చూస్తే తేలుతుంది గదా?!

గత ఆర్థిక సంవత్సరంలో బ్యాంకు మోసాలకు సంబంధించి మొత్తం 6800 కేసులు నమోదైతే వీటిలో దాదాపు రూ.71,500కోట్లు పోగొట్టుకున్నట్టు బ్యాంకులు ఆర్‌బీఐకి ఇచ్చిన నివేదికలో పేర్కొన్నాయి. 2017-18లో మోసాలు కంటే 2018-19లోని మోసాల విలువ 73శాతం ఎక్కువ కావడం గమనార్హం. ఎన్నికల సమయంలో తన వారికి మేలు చేయడం కోసం ఆర్‌బీఐపై ఒత్తిడి తెచ్చి ఉదారంగా వ్యవహరించడమే ఇందుకు ప్రధాన కారణమని తెలుస్తోంది. ఈ విషయంలో తన మాట విననందుకు ఆర్‌బీఐ గవర్నర్‌ ఉర్జిత్‌ పటేల్‌ నిలువలేక పోయిన విషయం తెలిసిందే. పారుబకాయిలు :

రుణాలు తీసుకున్న వారు వాటిని పారు బకాయిల కింద చూపి ప్రస్తుత ప్రభుత్వంలో ఎత్తివేసేందుకు సిద్ధమవుతున్నారని ఆర్‌బీఐ నివేదిక ద్వారా స్పష్టమవుతున్నది. రూ.లక్ష రుణం తీసుకుంటున్న రైతుల విషయంలో నోటీసులు పంపి, వేధింపులకు గురిచేసి అవమానాలు పాల్జేసి ఆత్మహత్య చేసుకునేలా చేస్తున్న బ్యాంకులు, మోసాలకు పాల్పడుతున్న బడా కార్పొరేట్ల పట్ల చూసీచూడనట్టు ఉండటం ఎంతవరకు సమంజసం?

కుంభకోణాలు : 

లక్షల కోట్ల రూపాయలకు సంబంధించిన 26స్కామ్‌లు బీజేపీ పాలనలో చోటు చేసుకున్నాయి. రాఫెల్‌ కుంభకోణంలో ప్రధాని మోడీ పైనే ఆరోపణలున్నాయి. కార్పొరేట్‌ రంగంలో వెల్లువలా వెలుగుచూస్తున్న ఈ కుంభకోణాలు పెట్టుబడిదారీ ఆర్థిక వ్యవస్థ పతానవస్థకు చేరువలో చేరిందనడానికి నిదర్శనంగా నిలుస్తున్నాయి. అవినీతి ఆరోపణ లెదుర్కొంటున్న అమిత్‌షా లాంటివారు ఎంతోమంది మోడీ-2 ప్రభుత్వంలో మంత్రులుగా బాధ్యతలు స్వీకరించారు. ఇలాంటివారితో రేపటి పాలన ఎలా ఉంటుందో చెప్పనక్కర్లేదు. 

Who will win general indian elections 2019. - దేశాన్ని భగవంతుడు రక్షించు గాక!

మోడీ మళ్ళీ వస్తాడా? తన అబద్దాల సామ్రాజ్యాన్ని అప్రతిహతం గా విస్తరిస్తాడా? ప్రాంతీయ పార్టీలను చిదిమేసి, ప్రతిపక్షనాయకులపై వ్యక్తిగత కక్షలకు తెర లేపుతాడా? తుగ్లక్ చేష్టలకు అదుపు ఉండదా?యోగ ధ్యానాల మాటున అరాచకం జూలు విదిల్చుతుందా?  దేశ్ ఆర్థికస్థితి ఇంకా దిగజారి పోతుందా? నిరుద్యోగ సమస్య మరింతగా జడలు విచ్చుకొంటుందా ? ప్రజాస్వామ్య రాజ్యాంగ వ్యవస్థలు మరింతగా కీలుబొమ్మలుగా మారిపోతాయా? ప్రజాస్వామ్యాన్ని రక్షించుకునే మార్గాలు మూసుకుపోతున్నాయా? పెట్రోల్,నిత్యావసర వస్తువుల ధరలు కొండెక్కి కూర్చుంటాయా? నల్లధనం మరింతపెరిగి ఎన్నికలలో ధనప్రవాహం మరింతగా పెరుగుతుందా? హిందూత్వ , మైనారిటీ ల మధ్య  అగాధం మరింత పెరిగి సమాజం విచ్చిన్నం అవుతుందా? ఆంతర ఉగ్రవాదం పేట్రేగుతుందా? ప్రాంతీయ అసమానతలు పెరిగి దేశం చీలిపోతుందా?
సత్యమేవ జయతే! ధర్మో రక్షతి రక్షిత: అనే నినాదం మారిపోతుందా? భగవాన్ శ్రీరామ్ మతాంధుల చేతిలో ఒక ఆట బొమ్మలా మిగిలిపోతాడా? పవిత్ర గంగానది మరింతగా చిక్కి వడలి పోతుందా? కాలుష్య కాసారాలు మరింతగా పెరిగిపోతాయా?

దేశాన్ని భగవంతుడు రక్షించు గాక!

2019 INDIAN ELECTIONS.

BJP is going to be single largest party(217) and may form govt with the help of SIVASENA,NITISH,PASWAN,BJD PATNAIK, TRS,JAGAN,AKALIDALAND 30 OTHER SMALL PARTIES.

CONGRESS MAY REACH 100 MARK.

HINDI BELT&east india	BJP	Others
Madhyapradesh 29	20	9
Rajasthan 25	15	10
Gujrat 26	20	6
Uttarapradesh80	35	45 (BSP20+SP20+CONGRESS 5
Bihar 40	18+10(ALLIES)	12
Punjab 10	4+1(SAD)	5
Haryana 10	6	4
DELHI 7	4	3
UTTARAKHAND 5	3	2
North east 25	12+5(ALLIES)	8
West Bengal 42	10	32      (TMC)
Orissa 21	10 + 11 BJD	0
Total 320	157	136 (CONGRESS 64)
South 130	15(Karnataka) +15TRS+7JAGAN	93( TDP18+DMK37+CONGRESS 27+JDS4+COMMUNIST 6
Maharashtra 48	20+15(sivasena)	13 (Congress7+NCP6)
Other states 45	25	20
Total 545	217+63 = 281	252.

who will win in andhra pradesh 2019 ? ఆంధ్రాలో గెలుపు ఎవరిది ?

ఆంద్ర రాష్ట్రంలో మొత్తం ఓటర్లు : సుమారు 4కోట్లు. కానీ అధికారుల లెక్క అనగా మార్చి 2019లో ప్రకటించిన కొత్త లిస్టు ప్రకారం మొత్తం ఆంధ్రా ఓటర్లు . 3. 91 కోట్లు. వీరిలో పురుషులు: 1. 93 కోట్లు; మహిళలు : 1.97కోట్లు.  పురుషులకంటే సుమారు 4లక్షలు ఎక్కువగా మహిళా ఓటర్లు ఉన్నారు. 

వీరిలో 2019 లో కొత్తగా ఓటు హక్కు పొందిన యువత అనగా 18 ఏళ్ళూనింది 19 లోకి అడుగుపెట్టినవారు: 5లక్షలు.

ఏ కారణం చేతనైనా గానీ, సుమారు 22లక్షలమంది కొత్తగా ఓటు నమోదు చేసుకొన్నారు. 

ఏ కారణం చేతనైనా గానీ,1. 5 లక్ష ఓట్లు తీసివేయబడ్డాయి. 

ఏప్రిల్ 11  పోలింగ్ జరిగింది. ఈ ఎన్నికలలో , నిష్పక్షపాతం గా పనిచేయవలసియున్న ఎన్నికల కమిషన్ ఆశ్రిత పక్షపాతము , నిరంకుశ వైఖరి,అప్రజాస్వామిక వ్యవహారశైలితో అభాసుపాలవ్వడమేకాక, తెలుగుదేశం పార్టీని ,ఆంధ్రప్రభుత్వాన్ని హీనంగా చూసి ,ఇష్టం వచ్చినట్లు, కేంద్రప్రభుత్వాధిపతులు చెప్పినట్లు చేసింది. 

సుమారు 50000 బూత్ లలో 80% ఓట్లు పోల్ అయ్యాయి. కొన్ని చోట్ల రీ పోలింగ్ జరిగింది. సుమారు 10000 కోట్లు ఇరు పార్టీలు, ఆయా  అభ్యర్థులు ఖర్చుపెట్టినట్లు అనధికార సమాచారం. 

కుల మతాల వారీగా కాకుండా , వయస్సు,వృత్తి, సాంఘిక హోదా ,లింగ ము ప్రకారం ఓటర్లను వర్గీకరించి , పోస్ట్ పోలింగ్ సర్వే చేసి రాబట్టిన సమాచారం ఈ విధంగా ఉంది. 

యువత,అనగా 18 నుండి 30 ఏళ్ల వయస్సు గల ఓటర్లు (సుమారు కోటి ) మెజారిటీ 50% జగన్ కి ఓటేశారు. ఆ తర్వాత 15% పవన్ కి వేస్తె,మిగతా 35% బాబు కి వేశారు. యువత లో బాబు పై తీవ్ర వ్యతిరేకత ను గమనించాం. తద్వారా జగన్ బాగా  బలపడ్డాడు. వీరే గట్టి గొంతు తో జగన్ వస్తాడని తీవ్ర ప్రచారం కూడా చేశారు. 

"యువత  తీరు తెన్నులను  సూక్ష్మంగా పరిశీలిద్దాం. 

18 -35 యువ వయస్సు గల వర్గం మొత్తం 4కోట్ల  ఓటర్లలో  సుమారు  33%ఉంటుంది. అనగా 1.3 కోట్లు ఉంటారు. వీరిలో 18 నుండి 25 వయస్సు ఉన్నవాళ్లు కనీసం 60 లక్షలుంటారు.వీరినే ఎక్కువగా యూత్ " అని పిలుస్తాం. వీరిలో 50% జగన్ గారికి ,30% పవన్ గారికి ,కేవలం 20% బాబుగారికి ఓటేశారని తెలుస్తుంది .  జగన్ గారే గెలుస్తారనే మౌత్ టాక్ ఎక్కువగా నడవడానికి కారణం ఈ "యూత్". అనగా విద్యార్థులుగా ఉన్నవీళ్ళలో - 30లక్షల ఓట్లు జగన్ కి , 18లక్షల ఓట్లు పవన్ కి , కేవలం 12 లక్షల ఓట్లు బాబు కి పడతాయి. 

25 నుండి 35 వయస్సు ఉన్నవాళ్లు ఏదో ఒక ఉద్యోగంలో స్థిరపడి కొద్దిగా మంచీ-చెడూ ఆలోచనచేయగల సత్తావున్నవాళ్ళు సుమారు 70 లక్షలు ఉన్నారు. వీరిలో 40%బాబుకి, 40% జగన్ కి ,20% పవన్ కి ఓటేసే అవకాశం ఉంది.  వీరు ఆలోచనాపరులే గానీ,కులాలరీత్యా పార్టీలకు మొగ్గు చూపే అవకాశముంది. అనగా, 28లక్షల ఓట్లు బాబు కి , 28లక్షల ఓట్లు జగన్ కి , 14 లక్షలు పవన్ కి పడతాయి. వెరసి ,ఈ 18 -35 వయస్సు వర్గం నుండి, బాబుకి 40లక్షల ఓట్లు , జగన్ కి 58 లక్షలు, పవన్ కి 32 లక్షల ఓట్లు పడతాయి. 

(18 నుండి 35 కాకుండా , 18 నుండి 30 ఏళ్ల వయస్సు అనగా కేవలం  విద్యార్థులు  సుమారు కోటిమంది ఉంటారు. సెఫాలజీ ఇంట్రస్ట్ తో  వీరిని ఒక వర్గం గా గమనిస్తే, వీరిలో 50%జగన్ కి వేశారు. అనగా అరకోటి ఓట్లు. బాబుకి కేవలం 35% అనగా 35లక్షల ఓట్లు,పవన్ కి 15 లక్షల ఓట్లు పడ్డాయి. ). 

రైతులు - రైతు కూలీలు (గ్రామీణులు ) :  

 మొత్తం రైతు ఓటర్లు 45 లక్షలు. వీరిలో 55% అనగా 25లక్షల ఓట్లు బాబుకి పడ్డాయి . 15 లక్షలు జగన్ కి , 5లక్షలమంది పవన్ కి వేశారు. 

రైతు కూలీలు  సుమారు 50 లక్షల  మంది ఉంటారు.వీరిలో 21 లక్షలు జగన్ కి, 20 లక్షలు బాబుకి వేశారు . 

మహిళా ఓటర్లు : 

మహిళలు మొత్తం సుమారు 1. 9 కోట్లు . వీరిలో ఉద్యోగులు,ఉద్యోగుల కుటుంబాలు,వ్యాపారులు,వారి కుటుంబాల మహిళలను,కాలేజీ యువతను తీసేస్తే సుమారు 1.3 కోట్లు సాధారణ గృహిణులు . వీరిలో 60% అనగా  75 లక్షల మంది  బాబుకే ఓటేశారు. 

జగన్ కి 55 లక్షలమంది వేశారు.

మహిళా ఓటర్లను ద్వాక్రా మరియు నాన్ ద్వాక్రా గా విడదీసి చూద్దాం. 

డ్వాక్రా మహిళల్లో (95 లక్షలు)  60% బాబుకి , 33% జగన్ కివేస్తారు. మొత్తం కోటి ద్వాక్రా మహళల్లో 58 లక్షలు బాబుకి , 32 లక్షలు జగన్ కి వేశారు. 

నాన్ ద్వాక్రా  గృహిణులు  మొత్తం 40 లక్షలు ఉంటారు. వీరిలో 40% బాబుకి ,అనగా 16 లక్షలు , జగన్ కి 50% అనగా 20 లక్షలు వేశారు . 

బాబు,ఉద్యోగులకు ఎంత చేసినా , పీఆర్సీ పెంచినా ,జీతాలు పెంచినా, వారికేది కావాలో అది చేసినా, విచిత్రంగా మెజారిటీ ఉద్యోగులు,టీచర్స్ బాబుకి వ్యతిరేకంగా ఓటేశారు. 

ఉద్యోగులు మొత్తం 6లక్షలు. వారి కుటుంబాలతో కలుపుకొంటే 18 లక్షల ఓటర్లు ఉంటారు. వీరిలో 60% అనగా 11 లక్షలమంది జగన్ కి , 7లక్షలమంది బాబు కి వేస్తారు. 

వ్యాపారులు మొత్తం 10 లక్షలమంది ఉంటారు. వీరి కుటుంబాల ఓట్లు మొత్తం కలుపుకొంటే 30 లక్షల మంది అవుతారు. వీరిలో 60% అనగా 18 లక్షలు బాబుకి , 10 లక్షలు జగన్ కి వేస్తారు. 

వెరసి 1. 85 కోట్ల ఓట్లు బాబుకి.1. 65కోట్లు జగన్ కి ,అనగా 20 లక్షల ఓట్లు తేడా ఉంటుంది. 80%పోలింగ్ కాబట్టి, తేడా 16 లక్షల ఓట్లుగా ఉండే అవకాశముంది. 

కాబట్టి తెలుగుదేశం మంచి మెజారిటీ సీట్లతో విజయం సాధిస్తుంది. 

2019 ఎన్నికలలో చంద్రబాబు విజయం సాధిస్తారా??

జ్యోతిష్యం అనేది ఒక శాస్త్రం.  ఇది సంక్లిష్ట గణితం తో , కఠినమైన సూత్రాలతో ఉండటం చేత, దీనిని అర్ధం చేసుకొని సత్యమేమిటో వివరించడం అంత తేలికైన పనికాదు. అందుకే అందరూ ఒకే రకమైన జ్యోతిష ఫలితాన్ని చెప్పరు .   శాస్త్రిదే తప్పు తప్ప శాస్త్రం తప్పుకాదు.

గ్రహాలనేవి మన కర్మ భారాన్ని సూచించేవే తప్ప, అవే మన సుఖదుఃఖాలకు  కారణం కాదు. మరి ఎందుకు నవగ్రహాలకు పరిహారాలు,శాంతులు చేస్తున్నారు? ఎందుకంటే ప్రతి పదార్ధానికి వెనుక ఒక శక్తి ఉంటుంది. ఆ శక్తినే దేవతగా భావన చేయమని మహార్హులు వాక్యం . అందుకే  గ్రహమనేది స్థూలపదార్ధ మైనా  దానిలోని శక్తి ని దేవత గా భావిస్తాము . మనం పూర్వజన్మలో చేసుకొన్న కర్మలో కొంత భాగం  ప్రారబ్ద కర్మగా  అనుభవించడానికి ఈ ప్రస్తుత జన్మ తీసుకొన్నాం.  జన్మ సమయంలో ఈ గ్రహాల స్థానం, గోచారరీత్యా  గ్రహాల చలనం అనేవి , కేవలం కర్మ సూచికలే  తప్ప అవి   కారణం కాదని గుర్తుపెట్టుకోవాలి. 

పంచభూతాలకు శాంతులు,పరిహారాలనేవి మన పూర్వజన్మల పాపపు కర్మలను కొంతైనా రద్దు చేస్తాయనే భావన, అంతేకాక, ఈ శాంతి విధానాల ద్వారా మనస్సు కొంతైనా పవిత్రమవుతుందనే భావనతో చేస్తాము. 

మరి మనిషికి స్వతంత్రం లేదా ?

 అకుంఠిత దీక్షాపరులకు, శ్రద్ధ,ఏకాగ్రత ,లక్ష్యం పై అనన్యమైన చింతన ఉన్నవారికి స్వతంత్రం ఉంటుంది తప్ప  సామాన్యులకు ఉండదు. కాబట్టి  ప్రారబ్ద కర్మ అనుభవించక తప్పదనే సామెత ఆలా వచ్చింది. 

చంద్రబాబు గారి జాతకం. 

ఇది పరాశర సిద్ధాంతాన్ని అనుసరించి గణించిన కుండలి. 

ఏప్రిల్ 20 1950 ఉదయం 6-43,కృత్తికా నక్షత్రం, శుక్లపక్ష తదియ ,గురువారం చిత్తూర్ లో జన్మించారు. 

లగ్నం : మేషం ; రాశి : వృషభం. 

నవాంశ లగ్నం : కన్య ; నవాంశ రాశి : కుంభం . 

లగ్న కుండలి బలం -దశ బలం . 

కుండలి లో లగ్నాత్ శని 5 వ  స్థానం లో ఉన్నాడు . పాపగ్రహం ,5 లో ఉంటే అంతగా ఇబ్బంది పెట్టడు . కానీ శత్రు క్షేత్రం లో ఉన్నాడు, పైపెచ్చు వక్రంగా ఉన్నాడు  కాబట్టి,మరింత పాపి గా బిహేవ్ చేస్తాడు.  అనగా దుఃఖ కారకుడు. 
2003 ఏప్రిల్ నెలనుండి 2022  ఏప్రిల్ వరకు చంద్రబాబు కి  శని మహర్దశ. అందుకే ఆయనకు 2004 నుండి  10ఏళ్ళు అధికార భంగమై ప్రతిపక్షంలోనే ఉన్నాడు. కానీ ఎప్పుడైతే సూర్య,చంద్ర అంతర్దశలు వచ్చాయో ఆయనకు తిరిగి అధికారం దక్కింది. ఆయన జాతకం లో సూర్య చంద్రులు యోగ కారకులు. 

లగ్న కుండలి రీత్యా,రాహువు ఆయనకు యోగిస్తాడు . 2016 నుండి శనితో రాహు అంతర్దశ నడుస్తుంది . దీనివలన పెద్దగా ఇబ్బంది ఉండదు. 26 మార్చి 2019  నుండి శని-రాహు వులో సూర్య ప్రత్యాంతర దశ ,ఆ తర్వాత చంద్ర ప్రత్యాంతర దశ వస్తాయి.  ఎన్నికలు కూడా ఈ రెండు శుభగ్రహాల ప్రత్యాంతర దశలలో జరుగుతున్నాయి కాబట్టి అంతా  శుభమే జరుగుతుంది. 

ప్రస్తుత గోచారం : 

ఏప్రిల్ 1 నుండి గురువు ధనస్సులో ప్రవేశించి ,శని, కేతువులతో చేరడం అనేది చాల ముఖ్యమైన మలుపు.  ఇప్పటి వరకు పోటా పోటీ గా ఉన్న దనుకొంటున్న ఎన్నికల సమరం, ఇప్పటి నుండి ఏక పక్షంగా మారే సూచనలున్నాయి.  ఎందుకంటే లగ్నం నుండి రాజ్యస్థానం లోనూ , రాశి నుండి అష్టమ స్థానం లోనూ  ఉన్న శని ,కేతువులు   అశుభ ఫలితాలను ఇచ్చే సూచనలున్నాయి.  కానీ  సరిగ్గా 31 మార్చ్ నాడు గురువు శని, కేతువులతో కలిశాడు. 

గురువు పాపగ్రహాల అశుభత్వాన్ని కొంతమేర తగ్గించేస్తాడు. గురువు,ధనుస్సు రాశి నుండి  తన 5 వ దృష్టితో లగ్నాన్ని చూస్తున్నాడు.అలాగే 9 వ దృష్టితో  5 వ స్థానాన్ని  చూడటం చేత శత్రువులపైన ,పోటీదార్ల పైనా విజయం సిద్ధిస్తుంది.