విద్యార్ధులలో ఆధ్యాత్మికత ని ఎలా పెంపొంది మ్చాలి ?

అధః ఆత్మికత -అనగా ఆత్మకి అనుగుణ్యం గా జీవనం సాగించడం . అంటే ఆత్మగత మైన ప్రవర్తన .
మనం సాధారణం గా దేహ, ఇంద్రియ, చిత్తానికి అనుగుణం గా నడుస్తాం .
వ్యక్తిత్వం అనగా వ్యక్తీయొక్క తత్త్వం .
ఆ వ్యక్తిత్వం దేహ గతానికే పరిమిత మవ్వక , ఆత్మ గత మవ్వడ  మే ఆధ్యాత్మికత.

ఆత్మ అంటే ఏమిటి ? 
అది ఒక స్థితా ? లేక శక్తి ప్రవాహమా ? బిందువా  - తరంగమా ? విద్యా -అవిద్యా ? ప్రజ్ఞా - మాయా ?
ఆత్మ ఒక అఖండ శక్తి . తరంగాలు లేని ,స్పందనలు లేని సమ స్థితి.
 అది ప్రశాంత మానసిక స్థితి కన్నా వే రైనది . సంతోష చిత్తం కంటే అద్భుత మైనది .
ఆత్మ అంటే ఇది కాదు ,అది కాదు ;ఇలా ఉండదు ,అలా ఉండదు  -అని చెప్పు కోవడం తప్ప ఇదిగో ఇలా ఉంటుంది అని చెప్ప లేమని ఋషి వాక్యం .
ఆత్మ స్థితి ఇలా ఉంటుందని చెప్పడానికి మనలోని జ్ఞానేంద్రియాలు ,మనస్సు సరిపోవు .
ఆ  స్థితిని అవగతం చేసుకోవడానికి మనమూ ఆ స్థితి కి వెళ్ళ వలసిందే .
ఆత్మ స్థితికి చేసే ఆ  ప్ర యాణమే   ఆధ్యాత్మికత .
 ఆ ప్రయాణానికి  దోహదం చేసే అలవాట్లే సనాతన సంప్రదాయం.

తల్లి తండ్రి  గురువుని పూజించు . 
వినయం,సహనం,క్షమా,సౌశీల్యం ,శుచి శుభ్రత ,ప్రక్రుతి రక్షణ ,నిస్వార్ధ సేవ, ప్రేమ - నిత్య జీవనం లో పాటించు.
సోమరితనం ,ఏమరుపాటు , కోపం ,అత్యాశ ,అసూయ ,అహంకారం  వదిలించు . . ---  విలువలతో కూడిన విద్య అంటే ఇదే . ఈ విద్యే ఆధ్యాత్మిక సాధన.